Loading ...
Filmi “Dy Luanë drejt Venecias” ishte kandidatura e Shqipërisë për Oscar 2021. Një dramë-komedi me regji dhe skenar të Jonid Jorgjit, me në fokus dy kineastë shqiptarë që marrin udhëtimin për në festivalin e Venecias. Jorgji, gjatë një interviste për emisionin “FriendZone”, ndau detaje rreth filmit.
Filmi ishte kandidatura e vendit për çmimin “Oscar” në kategorinë e filmit artistik të huaj, por nuk arriti të përfshihej në listën e ngushtë. “HIVE është një nga arritjet më të mëdha të kinematografisë shqiptare dhe të rajonit.“, tha Jorgji për filmin e Kosovës që u përfshi në listën e ngushtë për Oscar.
Dy Luanë drejt Venecias pritet të dalë në kinematë e Shqipërisë dhe Kosovës me 6 Janar. Ndërkaq, ai foli dhe për projektet kinematografike që janë gjithnjë e në rritje në vendin tonë.”Mendoj se vjen duke u rritur si cilësia artistike dhe e prodhimit.
Po ndodh kjo gjë sidomos në Kosovë sepse po jep frytet e veta në kompeticionet ku merr pjesë. E shoh si një fenomen pozitiv i cili thërret për të investuar më tepër në kinema, për ta ndihmuar kinematografinë.”, tha ai./abcnews.al
