Trajneri i Romës, Jose Mourinho përgatitet për dy javë vendimtare, pasi do të luajë kundër Juventusit, Napolit dhe Milanit. 3 ndeshje vështira për Romën brenda dy javëve.
“Special One” e filloi sezonin në mënyrë perfekte me Romën, por tani ndeshjet vështirësohen, detyrat rriten dhe tifozët duke parë paraqitjen në këtë fillim sezoni presin akoma më shumë nga skuadra e zemrës së tyre.
Roma përballet me Juventusin në Seria A në stadiumin “Allianz”,përpara se të udhëtojë në Norvegji për UEFA Europa Conference League katër ditë më vonë.
Napoli dhe Milan janë dy pengesat e tjera për Romën e Joses. Skuadra e drejtuar nga portugezi duhet të japë maksimumin ndaj dy skuadrave që kryesojnë kampionatin.
Mourinho ka theksuar se punon shumë me mentalitetin e lojtarëve dhe dëshiron të fshijë frikën nga e kaluara e afërt. 58-vjeçari do fillojë ta bëjë këtë që në ndeshjen kundër “Zonjës së Vjetër” këtë të dielë. /abcnews.al
