Bylisi këtë sezon është fokusuar kryesisht te të rinjtë dhe kjo konfirmohet nëse shikon lojtarët e afruar. Së fundmi me ballshiotët janë bashkuar edhe dy lojtarë të tjerë, të cilët kanë firmosur dhe janë vënë nën urdhrat e trajnerit Veljko Dovedan.
“Dy talente bëhen pjesë e skuadrës sonë dhe projektit që kemi për të tashmen dhe të ardhmen. Talenti shkodran Marselino Preka, i cili u testua te Porto pak kohë më parë, si dhe Klaus Alinani që luajti me Luftëtarin, janë prezantuar nga presidenti i klubit, Besnik Kapllanaj.
Marselino Preka dhe Klaus Alinani janë grumbulluar edhe nga Kombëtaret e moshave dhe janë lojtarë me shumë të ardhme. I urojmë mirëseardhjen dhe suksese”, njofton klubi i Bylisit përmes rrjeteve sociale, ndërkohë që sot mund të ketë edhe ndonjë afrim tjetër. /abcnews.al
