Dy britanikë të tjerë rrezikojnë të dënohen me vdekje, Britania i përgjigjet ashpër Rusisë

schedule12:35 - 2 Korrik, 2022

schedule 12:35 - 2 Korrik, 2022

Qeveria e Mbretërisë së Bashkuar ka reaguar ashpër pas lajmit se dy britanikë të tjerë të kapur nga përfaqësuesit rusë mund të përballen me dënimin me vdekje pasi u akuzuan për luftime si mercenarë.

Britanikët Andrew Hill nga Plymouth dhe Dylan Healy nga Huntingdon u raportuan se ishin akuzuar gjithashtu për “marrje me forcë të pushtetit” dhe për t’iu nënshtruar trajnimit “terrorist”, sipas një agjencie shtetërore të lajmeve në Donetsk të kontrolluar nga Rusia.

Raporti është marrë nga një zyrtar anonim dhe nuk është konfirmuar. Një zëdhënës i Ministrisë së Jashtme Britanike tha: “Ne dënojmë shfrytëzimin e të burgosurve të luftës dhe civilëve për qëllime politike dhe këtë e kemi ngritur me Rusinë.

Jemi në kontakt të vazhdueshëm me qeverinë e Ukrainës për rastet e tyre dhe jemi plotësisht në mbështetje të Ukrainës në përpjekjet e saj për t’i liruar ata”. /abcnews.al