Eksperti i kriminalistikës, Artan Rexhepi thotë se Dashnor Dumani dhe Nuredin Dumani, i kishin kthyer jetët e njerëzve si tregti me shumicë.
Në emisionin “Real Story” në ABC News, Rexhepi u shpreh se kthimi i Nuredin Dumanit në të penduar, është meritë.
Lidhur me grabitjen në Rinas, Rexhepi shtoi se i ishte ofruar të krijonte një alibi.
“Rasti i Dumanit, është skandaloze të vihet vëllai kundër vëllait. Gjithsesi, unë për grupin Dumani, e kam quajtur marketi i Dumanit, ku jeta e njerëzve ishte si tregti me shumicë. Për ngjarjen e Rinasit, kërkuan alibi për një video, faktikisht, kishte vënë një maskë. Imagjino, kishin krijuar alibi sikur ishin në një vend tjetër. E kishin studiuar shumë mirë. Kjo e Dumanit, është meritë që u kthye në të penduar. Por nga frika. Jam kundër lehtësirave të këtyre, pavarësisht se i njeh ligji. Sa kanë vrarë dhe të marrin lehtësira. Thjesht e kisha te pjesa morale.”, theksoi ai./abcnews.al
