FA Cup ka qenë kryefjala e ndeshjeve këtë fundjavë në Angli dhe ndeshja e fundit do të zhvillohet ditën e nesërme. Arsenal do të mirëpresë në ‘Emirates Stadium’ Leeds, ku të besuarit e Bielsas duan të befasojnë.
Anësori i Leeds United, Ezgjan Alioski, ka folur për mediat për takimin kundër gjigantëve londinezë. “Ne nuk duhet të kemi frikë nga Arsenali. Ata janë një klub i madh dhe kanë një stadium të bukur, por ne duhet të zbatojmë detyrat që na ka dhënë trajneri dhe të japim maksimumin”, deklaron 27-vjeçari.
“Ne jemi një ekip në rritje dhe besoj se nesër do e tregojmë këtë gjë. Arsenal nuk po kalon një moment të mirë dhe pse jo ta shfrytëzojmë mundësinë. Na duhet vetëm besim tek njëri-tjetri. Thjesht duhet të luajmë pa emocione”, mbyll lojtari i përfaqësueses së Maqedonisë së Veriut. /abcnews.al
