Reagimet kanë qenë të shumta për koret raciste kushtuar anësorit brazilian, Vinicius Junior nga tifozët e Valencia në sfidën ndaj Real Madrid, ku nuk kanë munguar mesazhet sensibilizuese nga Presidenti i FIFA, tekniku Ancelotti, por dhe lojtarë të tjerë të Real Madrid.
Ky reagim duket se nuk është pëlqyer dhe aq nga Vinicius, i cili nuk ka ngurruar aspak dhe ia ka kthyer me po të njëjtën “monedhë”, Presidentit Tebas, teksa tha se heshtja e barazon atë me racistës dhe se kërkon veprim dhe ndëshkim.
“Edhe një herë, në vend që të kritikojë racistët, Presidenti i La Liga shfaqet në rrjetet sociale për të më sulmuar mua. Sado që bëni muhabet dhe bëni sikur nuk lexoni, imazhi i kampionatit tuaj është tronditur. Shikoni përgjigjet e postimeve tuaja dhe habituni…
Heshtja të barazon vetëm me racistët. Unë nuk jam miku juaj me të cilin të flas për racizëm. Dua veprim dhe ndëshkim. Hashtags nuk më lëvizin”,- shkruan Vinicius në krahun tjetër, si kundërpërgjigje për Tebas. /i.m /abcnews.al
