Ish- ministri meksikan i mbrojtjes Salvador Cienfuegos, është arrestuar për trafik droge dhe pastrim parash në Aeroportin Ndërkombëtar të Los Anxhelosit në SHBA, sipas burimeve meksikane dhe amerikane.
Cienfuegos ndodhet në paraburgim me një urdhër të Administratës së Anti-Drogës në SHBA.
Një zyrtar i lartë meksikan, i cili foli në kushte anonimiteti tha se Cienfuegos u arrestua kur mbërriti në aeroportin e Los Angelesit me familjen e tij. Familjarët e tij u lanë të lirë ndërsa ai u dërgua në paraburgim.
Cienfuegos ka shërbyer nga viti 2012 në 2018 si Ministër i Mbrojtjes nën drejtimin e Pena Nieto. Ai është ish-zyrtari më i lartë i kabinetit që është arrestuar pas arrestimit të një zyrtari tjetër meksikan Genaro Garcia Luna, në Teksas në 2019.
Departamenti i Mbrojtjes së Meksikës nuk ka dhënë asnjë njoftim rreth arrestimit. Pavarësisht nga akuzat, kjo do të jetë një goditje e rëndë për Meksikën, pasi Ushtria dhe Marina janë disa nga institucionet e pakta publike më të respektuara. /abcnews.al
