Drejtori i përgjithshëm i IAEA do të udhëtojë në Moskë për të diskutuar sigurinë bërthamore

schedule18:45 - 6 Tetor, 2022

schedule 18:45 - 6 Tetor, 2022

Rafael Grossi, drejtori i përgjithshëm i Agjencisë Ndërkombëtare të Energjisë Atomike (IAEA), tha të enjten se do të udhëtojë në Moskë për të diskutuar sigurinë bërthamore dhe situatën në termocentralin bërthamor Zaporizhzhia, pasi  më parë u takua me presidentin ukrainas Volodymir Zelensky në Kiev.

“Puna ime është të parandaloj një aksident bërthamor dhe kjo është ajo që po bëj”, u tha Grossi gazetarëve në një konferencë shtypi në Kiev, raporton CNN.

Grossi tha se do të udhëtojë në Rusi “shumë shpejt” dhe se ai beson se bisedat që do të ketë këtu do të jenë në një “nivel shumë të lartë”.

Rikujtojmë se Putin nënshkroi një dekret që urdhëronte qeverinë ruse të merrte kontrollin e centralit bërthamor më të madh në Europë dhe ta kthente atë “pronë federale”.

Grossi gjithashtu pritet të vizitojë Moskën në ditët në vijim për të diskutuar sigurinë në central, sipas një njoftimi nga agjencia shtetërore ruse e lajmeve Tass.

/abcnews.al/