Loading ...Kur kanë kaluar 17 vite nga shpërthimit në Gërdec, ku humbjen jetën 26 personave dhe plagosjen e qindra të tjerve, familjarët e viktimave kërkojnë ende drejtësi për të afërmit e tyre.
E teksa hetimet për ngjarjen nisën menjehere pas shpërthimit dhe përfunduan në vitin 2009-të, në atë kohë për disa nga të pandehurit prokuroria ngriti edhe akuzën e vrasjes, por në fund gjykata i dënoi për shkelje të rregullave në punë, shkatërrim të pronës dhe shpërdorim të detyrës.
I vetmi zyrtar i lartë është në duart e drejtësisë është ish-ministrin e mbrojtjes Fatmir Mediu. Në vitin 2021 SPAK u vu në lëvizje dhe mori Mediun të pandehur për shpërdorim detyre të kryer në bashkëpunim dhe tashmë po vijon procesi në gjykatë. Nga ana tjetër Prokuroria e Posaçme veçoi dosjen dhe po heton në një fraksion tjetër për akuzën e “Korrupsionit ” dhe “Pastrimit të parave” në lidhje me kontratat e firmosura në vitin 2007 për shitjen e municioneve.
Hetimet për këtë dosje vijojnë në dy drejtime, së pari lidhur me procedurën e shitjes së municioneve nga ndërmarrja “Meico” ndaj shoqërive “Evdin” ltd me seli ne Qipro dhe “AEY me seli në SHBA.
Prokuroria ka dyshime se për lidhje e kontratës ka patur ndikimi nëpërmjet korrupsionit tek zyrtarët e lartë të kohës. Për këtë, janë duke u verifikuar transaksionet bankare te kryera nga disa zyrtarë dhe të afërmit e tyre, për të cilët ka pasur dyshime se mund të kenë ndikuar në lidhjen e kontratës.
/ abcnews.al
