Loading ...Vrasja e Liridona Ademajt mblodhi në protestë qytetarë dhe aktivistë të shoqërisë civile në Tiranë.
Përpara ambasadës së Kosovës në kryeqytet ata bënë thirrje për drejtësi për nënën e dy fëmijëve që u vra mbrëmjen e 29 nëntorit
“T’i jepet fund mitit se gruaja është pronë e burrit”.
“U bëj thirrje avokatëve dhe juristëve mos u joshni nga paratë e burrave milionerë që qëndrojnë në krah të politikës, biznesmenëve, e atyre që kanë në dorë sistemin e drejtësisë. Ata nuk e dinë se sa herë na vijnë te zyra juridike dhe kërcënohemi nga burrat që janë në zgjidhje martese, hiq dorë nga ky proces. Drejtësi për Liridonën”.
Protesta e aktivistëve u përshëndet edhe nga ambasadori i Kosovës në Tiranë, Skënder Dyrmishi, i cili iu bashkua aktivistëve, ndërsa kërkoi që drejtësia të bëjë punën e saj.
“Drejtësia duhet të thotë fjalën e vet për një krim kaq monstruoz siç ndodhi me Liridonën”.
Në fund të protestës, aktivistët ndezën qirinj në nder të 30 vjeçares.
Vrasja e Liridona Ademajt ka shokuar mbarë opinionin publik shqiptar, teksa bashkëshorti i saj Naim Murseli ka pranuar se porositi vrasjen e bashkëshortes, ndërsa fillimisht tha se kishin rë pre e grabitësve./abcnews.al
