Albi Doka në verë la Tiranën dhe siguroi kalimin te Gorica. Me kalimin në Kroaci tiranaasi arriti të ambientohet shpejt dhe të shndërrohet në lojtar kyç për skuadrën.
Ai është thuajse në çdo ndeshje titullar dhe ka kontribuar vazhdimisht edhe në gola e asiste për skuadrën e tij, teksa vlera e kartonit të 23-vjeçarit arrin 1 milionë euro, duke u rritur shumë që nga koha kur luante te Tirana.
Së fundmi mbrojtësi ka mundur të lërë një tjetër gjurmë ne futbollin kroat. Ai ka arritur një shpejtësi të frikshme gjatë një ndeshje me skuadrën e tij.
Mbrojtësi i djathtë ka fluturuar me plot 37.2 km/h, duke lënë pas yje si Davies apo Mbappe. Para tij me 38.06 km/h është vetëm Cristiano Ronaldo. /abcnews.al
