Loading ...
Një nga idhujt e Romelu Lukakut ka qenë Adriano. Braziliani ishte një sulmues fantastik, një forcë e natyrës, por ai nuk e përballoi mirë humbjen e babait dhe u zhyt në depresion. Karriera mori për keq dhe alkooli u bë më i dashur se shënimi i golave.
Lukaku ka folur për Perandorin në kanalin zyrtar të klubit zikaltër në “Instagram”, duke pohuar faktin që e ka pasur idhull, ngjashmërinë me të dhe çfarë mund të ndodhte nëse do të luanin së bashku.
“Babai im nuk kishte para për të na blerë një televizor dhe i kam parë të gjithë golat e Adrianos në You Tube. Unë dhe ai së bashku në sulmin e Interit? Do të shënonim 70 gola për sezon. Mendoj se i ngjaj shumë, pasi shënoj dhe ndihmoj skuadrën”, deklaron sulmuesi belg. /abcnews.al
