Ish-futbollisti i Liverpool, tashmë analist në SkySport, Jamie Carragher, ka folur për një transferim të mundshëm të Lionel Messit te Manchester City. Në fjalën e tij, anglez u shpreh:
“Do të më pëlqente ta shihja Messin në Premier League. Edhe nëse do të shkonte te Manchester City, kjo është në rregull. Guardiola luan një futboll shumë teknik dhe do t’i shkonte shumë më mirë karakteristikave të Messit, por nuk jam i sigurt se si mund ta mbyllin marrëveshjen. Duke lexuar shifrat, do të ishte një operacion befasues.
Gjithashtu është e vërtetë që nëse Messi lëviz, ka vetëm dy ose tri klube, në të cilat ai mund të shkojë. Jam shumë kurioz të shoh Messin duke luajtur në Premier League. Kjo do ta bënte Manchester Cityn më të fortë, por sigurisht jo të pamposhtur.
Barcelona me të nuk ka fituar kampionatin e fundit dhe nuk ka qenë në gjendje të kalojë në finale të Champions League prej disa vitesh. Mos harroni se Liverpool e eliminoi Barcelonën nga Championsi një sezon më parë”, u shpreh Carragher./abcnews.al
