Loading ...
Neymar nuk ka duruar dot pas një interviste të dhënë nga Fabio Aurelio, ish-mbrojtësi i majtë i skuadrës angleze të Liverpool. Për “Goal” ai ka deklaruar:
“Gjithmonë e them se do të isha shumë i zhgënjyer nëse do të isha ai. Për ambiciet që ai ka dhe për cilësitë dhe talentin që ka, fakti që nuk ka fituar Topin e Artë të bën të ndihesh keq.
Ai i ka të gjitha kushtet për ta bërë këtë, por nuk e di pse nuk ndodh. Ndoshta për të disa gjëra janë më të rëndësishme se loja”.
Neymar, i cili i ka treguar trofetë në video Fabio Aurelios, më pas ka reaguar me këto fjalë: “Jam i lodhur nga këta ish-lojtarë që hapin gojën flasin broçkulla.
Një intervistë pesë minutëshe dhe gjithçka bëri ishte të fliste për jetën e njerëzve të tjerë. Nëse doni të kritikoni, kritikoni, por të flasësh gjëra të tilla nuk është e mundur”. / abcnews.al
