Djali i një prej themeluesve të Hamasit i ka bërë thirrje Izraelit të vrasë babain e tij nëse grupi nuk i liron të gjithë pengjet. Mosab Hassan Yousef, djali i Sheikh Hassan Yousef, i bëri thirrje Izraelit t’i jepte Hamasit një afat kohor për të liruar të gjithë pengjet ose për të vrarë liderët e tij, përfshirë babanë e tij.
“Izraeli nuk mund të vazhdojë kështu. Hamasi duhet të ketë një afat kohor, një ose dy ose gjashtë muaj për të kthyer pengjet, dhe nëse nuk i kthen pengjet brenda kornizës kohore, Izraeli duhet të ekzekutojë liderët e lartë të Hamasit në burg.
After the successful release of the most vulnerable group of hostages, Israel must give Hamas a timeframe to release the remaining hostages. If they fail Israel must execute Hamas mass murderers in Israeli prisons. No exception, Sheik Hassan Yousef is included. pic.twitter.com/xpeVKHuLX4
— Mosab Hassan Yousef (@MosabHasanYOSEF) November 28, 2023
“Kur them ekzekutoni liderët e lartë, e kam fjalën për të gjithë pa përjashtim. Këtu përfshihet edhe babai im”, vazhdoi ai.
“Kam bërë një gabim, 10 apo 15 vjet më parë, kur i kam shpëtuar jetën shumë herë. Ai duhet të kishte vdekur për veprimet e tij. Unë i shpëtova jetën. Gjërat nuk ndryshuan, gjërat u përkeqësuan”.
45-vjeçari, i cili punoi në fshehtësi si spiun për Izraelin midis viteve 1997 dhe 2007, tha se vrasja e udhëheqësve të Hamasit dhe kthimi i pengjeve izraelite do të ishin humbje për Hamasin.
Youssef tha se nuk ishte dakord me kompromisin e Izraelit për lirimin e të burgosurve në këmbim të pengjeve, sepse ish të burgosurit do të vazhdonin të vrisnin “njerëz shumë më të pafajshëm” dhe se kriminelët nuk duhet të “shpërblehen” për krimet e tyre.
Babai i Yusef u lirua për herë të fundit nga një burg izraelit në korrik të këtij viti pasi kaloi 21 muaj në burg. Lideri i Hamasit ka qenë brenda dhe jashtë burgut për më shumë se dy dekada, sipas Middle East Monitor.
Për disa ditë Hamasi ka liruar grupe pengjesh në këmbim të të burgosurve. Kryqi i Kuq izraelit priti grupin e gjashtë të mërkurën.
/abcnews.al
