Djali gjashtë vjeçar i reperit Flo Ryda, Zohar Dillard, ra nga kati i pestë i një pallati në Nju Xhersi në trotuar.
Sipas mediave amerikane, 6-vjeçari Zohar ndodhet në terapi intensive me lëndime të rënda pas ngjarjes fatkeqe. Ish-partneri i reperit Alexis Adams zbuloi në një padi të ngritur të hënën se ngjarja ka ndodhur më 4 mars dhe se djali i saj ishte shtruar në spital me legen dhe këmbë të thyera, dëmtim të mëlçisë dhe mushkërive dhe gjakderdhje të brendshme.
Tashmë ajo ka paditur pronarët dhe drejtuesit e kompleksit të apartamenteve, firmën e ndërtimit, firmën që ka montuar dritaret dhe disa persona të tjerë. Ajo pretendon se ndërtesa kishte dritare të rrezikshme, që bën që djali i saj, i cili lindi me një çrregullim të rrallë neurologjik, të binte “në trotuarin e betonit poshtë”. “Si nënë beqare e një fëmije me nevoja të veçanta, ndihem sikur jam në një makth. Zemra ime është thyer në një milion copa”, tha Adams për News12. Padia kërkon dëmshpërblim për aksidentin, shpenzimet gjyqësore dhe shpenzimet mjekësore të Zoharit.
“Jam i shkatërruar, i tërbuar dhe po përpiqem të pajtohem me faktin se fëmija im i vetëm pësoi lëndime të rënda për shkak të neglizhencës me dashje të pronarit tonë dhe të tjerëve të përfshirë në mosmarrjen e masave të nevojshme”, tha Alexis. Flo Ryda, emri i vërtetë i të cilit është Tramar Lacell Dillard, nuk ka bërë asnjë njoftim publik në lidhje me aksidentin që ka përjetuar djali i tij./abcnews.al
