Dj Greg James ka zbuluar se Simon Cowell nuk e mori në menaxhim këngëtaren shqiptare me famë ndërkombëtare Dua Lipa.
I ftuar së fundmi në “Radio 1 Morning Show” Greg tregoi se Dua ishte shfaqur në një reklamë për spektaklin “X Factor” në vitin 2013, ku ajo këndoi një pjesë të këngës “Lost In Music” për të promovuar audicionet e këtij spektakli.
Ai u shpreh se Cowell humbi një mundësi që nuk e mori këngëtaren në menaxhimin e tij kur ajo ishte në fillim të karrierës.
“Unë e di që Simon Cowell nuk ka nevojë për para por ajo ishte pikërisht nën hundën e tij dhe ai nuk e mori nën menaxhim”, tregoi Dj i njohur./abcnews.al
