Dita e bashkimit gjerman ka bërë bashkë në mjediset e Ambasadës Gjermane këtu në Tiranë Presidentin Meta, Kryeministrin Rama dhe kreun e PD, Lulzim Basha. Edhe pse kanë përkujtuar një moment historik bashkimi, ata kanë shmangur kontaktet me njëri tjetrin.
3 Tetori, dita e bashkimit të Gjermanisë Lindore me atë Perëndimore ka bashkuar në një event në ambasadën gjermane kreun e shtetit Ilir Meta, kryeministrin Edi Rama dhe kryetarin e PD Lulzim Basha.
Ndasitë mes tre aktorëve kryesorë politikë në vend u reflektua gjatë pritjes dhe mungesa e kontaktit me njëri tjetrin spikati gjatë ceremonisë.
Presideti Meta mori iniciativën për të përshëndetur kreun e kuvendit Gramoz Ruci, i shoqëruar nga numri dy i socialistëve Taulant Balla.
Pas tyre kryeministri Rama nuk tentoi të afrohej as tek tryeza e Ruçit e as tek ajo e Metës.
As kreu i shtetit nuk reagoi ndaj pranisë së kryeministrit.
Por Meta nuk mbeti gjatë i vetëm në tryezën e tij. Iu bashkua kryetari i PD Lulzim Basha, që gjithashtu nuk bëri asnjë përpjekje për të përshëndetur aktorët e tjerë politikë.
Nisja e ceremonisë me himnin e Shqipërisë i gjeti në të njëjtat pozicione, të ndarë, Ruçin, Metën e Bashën në radhën e parë, në tryeza të veçanta e Ramën pas tyre.
Të gjithë nderuan të ndarë bashkimin e ish-Gjermanisë komuniste me atë demokratike në 3 Tetor 2019./ABC News Albania 24/7
