Andre Onana është një nga portierët më të talentuar në Europë. 23-vjeçari nga Kameruni mbron portën e Ajaksit prej vitit 2015 dhe ka prekur një temë delikate në një prononcim për RMC Sport.
“Gardiani” afrikan thekson ndarjen që ekziston mes portierëve me ngjyrë dhe të tjerëve. Onana tregohet i sinqertë, teksa tregon edhe pikën e dobët të të parëve.
“Disa klube nuk kanë besim te portierët me ngjyrë. Ky është një realitet, mjafton të hedhësh një sy përreth, nuk jam unë që e them diçka të tillë. Nuk jam një specialist stërvitjesh, ata kanë të drejtën e tyre, por duhet të pranojmë edhe faktin që portierët me ngjyrë vuajnë shumë në aspektin e përqendrimit“, thekson Andre Onana.
