Prindërit përballen shpesh me refuzimin e fëmijëve për të konsumuar një ushqim të caktuar. Fëmijët vazhdimisht zbulojnë shije, aroma dhe cilësi të reja dhe prandaj është krejt normale që të kenë vështirësi të përshtaten me ushqimet e reja.
Si prindër, ndonjëherë nuk jemi aq të kuptueshëm sa duhet dhe shpesh i marrim gjërat si të mirëqena, megjithatë, fëmijët meritojnë mbështetjen dhe vëmendjen e duhur. Ajo që duhet të bësh si prind është ta vendosësh veten në vendin e fëmijës tënd.
Të jetë krijues
Njerëzit janë qenie shumë vizuale. Nëse diçka që shohim na kënaq, ka të ngjarë që ta pranojmë pa u ankuar. Prandaj, duhet që të “transformohet” pamja e disa ushqimeve, veçanërisht perimeve, në mënyrë që fëmijët e vegjël t’i konsumojnë.
Lejojini fëmijët të bëhen pjesë e zgjedhjes së ushqimeve
Ne zgjedhim vaktet tona. Atëherë, pse nuk duhet që fëmijët tanë të kenë të njëjtën të drejtë? Si prindër, ne mund të sugjerojmë alternativa të shëndetshme nga të cilat ata mund të zgjedhin. Një tjetër ide është t’i merrni fëmijët në supermarket për të blerë ushqime të shëndetshme. Në këtë mënyrë, ata do të ndihen krenarë se po kontribuojnë për diçka.
Jepni një shembull të mirë nga vetja juaj
Do të ishte një padrejtësi e madhe t’i detyrosh fëmijët të hanë perime nëse ju nuk bëni të njëjtën gjë. Prandaj, nëse doni që i vogli juaj të ushqehet shëndetshëm dhe të miratojë zakone të shëndetshme, hapi i parë që duhet të bëni është të jepni një shembull të mirë.
Sigurohuni që të hani para fëmijës tuaj pa u ankuar. Edhe pa u përpjekur, ne i edukojmë fëmijët tanë përmes veprimeve tona. Fëmijët tuaj vazhdimisht ju shikojnë, pasi ju jeni modeli i tyre kryesor.
Mos e shtyni fëmijën tuaj
Detyrimi i fëmijëve për të ngrënë perime është gjëja e fundit që duhet të bëni si prindër. Këto praktika vetëm përforcojnë lidhjen negative të fëmijës me ushqime të caktuara. Kështu që fëmija mendon: “Nëse nuk e ha këtë ushqim që nuk më pëlqen, nuk do të jem në gjendje të luaj video lojërat e mia.” Në këtë mënyrë, ushqimet e shëndetshme janë një pengesë, një imponim që duhet adresuar me ngurrim. /abcnews.al
