Dinamo ka zyrtarizuar trajnerin e ri. Blutë e nisën sezonin me Igli Allmuçën në krye, ndërkohë që më pas e mori drejtimin Mauro Manzoni. Italiani pak ditë më parë u largua nga blutë dhe tashmë një tjetër trajner nga vendi fqinj do drejtojë Dinamon.
“Fabrizio Cammarata është trajneri i ri i Dinamos. Tekniku 44-vjeçar italian ka nënshkruar dje në mbrëmje kontratën, që e bën pjesë të bluve për të vazhduar detyrën që la bashkatdhetari i tij, ish-tekniku Manzoni.
Ish-bomberi i Hellas Verona dhe i Pescaras do të jetë në krye të stolit Dinamovit, që nga ndeshja e nesërme ndaj ekipit të Veleçikut dhe do të tentojë ta nisë me fitore këtë detyre në krye të 18 herë kampionëve të Shqipërisë”, thuhet në njoftimin e Dinamos. /abcnews.al
