Në këtë banesë pas krahëve të mi në fshatin Shalës të Konispolit ndodhi ngjarja tragjike mes familjes Islamaj me dy viktima
Burri ka vrarë gruan, më pas djali ka vrarë babain. Bëhet fjalë për Hysen Islamajn 69 vjeç, i cili sipas policisë në orën shtatë të mëngjesit te se martës pas një konflikti me bashkëshorten 66 vjeçe Shano Islamaj e ka goditur me sëpatë duke e lënë të vdekur.
Ngjarja ka ndodhur në prani të mbesës dhjetë vjeçe të çiftit. Kjo ka njoftuar të atin Klementin Islamaj. 40-vjeçari pasi ka parë nënën të vrarë është konfliktuar me të atin Hysen Islamaj.
Ky i fundit gjatë konfliktit në ballkonin e banesës dy katëshe e ka shtyrë të atin në shkallët metalike të banesës ku si pasojë 69-vjeçari ka ndërruar jetë.
Menjëherë pas ngjarjes, Klementin Islamaj është vënë në pranga.
Hysen Islamaj njihej si person problematik nga bashkëfshatarët e tij. Ata thonë se ishte konsumator I alkoolit dhe person i dhunshëm.
Ngjarje të tilla sipas burimeve kanë ndodhur dhe më herët në familjen Islamaj. Babai i 69 vjeçarit që qëlloi gruan me sëpatë duke e lënë të vdekur dyshohet se ka vrarë tre bashkëshorte të tij. Një duke e hedhur në gropën e gëlqeres, një në pus dhe tjetrën në lumë.
/abcnews.al
