Loading ...
Ndonëse jemi në vjeshtë, bora ka mbuluar një pjesë të zonave në veri të vendit. Për ABC e Mëngjesit, Anira Gjoni, meteorologe IGJEUM tha se java do të shoqërohet me reshje shiu dhe dëbora, këto të fundit kryesisht në zonat malore, ndërsa e diela do të sjellë rritje të temperaturave.
“Kemi hyrë në vjeshtë, por kemi pak tipare të dimrit. Për ditën e sotme në veri dhe verilindje të vendit, priten reshje bore. Problematika mund të shfaqen në zonat malore, të veriut dhe verilindjes për shkak të nisjes së reshjeve të para të borës. Reshjet pritet të zbresin deri në 600 m mbi nivelin e detit, mund të sjellë problematika në këtë zona.
Pjesa tjetër e territorit do të ketë reshje të shiut, mesatare në të githa qarqet. Me intensitet më të shtuar do të jenë qarqet Elbasan, Berat, Korce, Vlore dhe Gjirokastër. Në këto qarqe mund të shfaqen problematike të ndryshme si vërshime të ujit. Krahas reshjeve, do të kemi edhe ulje të temperaturave që do të vijojë për këto dy ditë. E diela sjell rritjen graduale të temperaturave maksimale të ditës”, – u shpreh ajo./abcnews.al
