Nga Ajgena Korbi
Për të shmangur korrupsionin qeveria njoftoi mbylljen e sporteleve dhe pajisjen me dokumenta përmes aplikimit online në portalin e-albania, por shumë qytetarë nuk besojnë se digjitalizimi eleminon fenomenin.
Kjo ka dalë në pah nga një sondazh që “Qëndresa Qytetare” zhvilloi online me persona nga 18 deri në 60 vjeç rreth perceptimit të korrupsionit në Shqipëri.
Por qytetarët më të përhapur korrupsionin e shohin tek partitë politike ndjekur nga sektori i shëndetësisë, administrata publike, policia, shoqëria civile dhe arsimi.
Rrugën më të thjeshtë për të zgjidhur një problem qytetarët shohin dhënien e parave një zyrtari. 78% e të anketuarve ndanë këtë mendim ndërkohë që shprehën mungesë besimi tek administrata publike.
Shqetësues mbetet fakti se nëse 10.3% e të pyeturve besojnë që korrupsionin në Shqipëri mund te çrrënjoset tërësisht, 37.4% e tyre mendojnë se do të ekzistojë gjithnjë dhe 22. 4% se nuk mund të ulet.
TABELA
INSTITUCIONET MË TË KORRUPTUARA
Partitë Politike 83.4 % e qytetarëve dhanë vlerësimin maksimal
Sektori i Shëndetësisë 66.2% e qytetarëve dhanë vlerësimin maksimal
Administrata Publike 64.1% e qytetarëve dhanë vlerësimin maksimal
Policia 56% e qytetarëve dhanë vlerësimin maksimal
Shoqëria Civile 38% e qytetarëve dhanë vlerësimin maksimal
Sektori i Arsimit 35.2% e qytetarëve dhanë vlerësimin maksimal
/abcnews.al
