Valencia-Atletico Madrid është sfida më e bukura e javës së 24-t në La Liga. Trajneri i vendasve, Albert Celades është ndalur te homologu Simeone në konferencën e tij për shtyp. “Colchoneros” nuk po zhvillojnë një sezon pozitiv dhe pozitat e trajnerit argjentinas janë lëkundur.
Celades e vlerëson jashtë mase Simeonen dhe habitet nga këto zëra. Gjithsesi, timonieri i Valencias sjell shembullin e Valverdes, i cili u pushua nga puna nga drejtuesit e Barcelonës e datë 13 janar.
“Simeone është një trajner i madh. Ai ka arritur gjëra të pabesueshme këto vite me Atletico Madrid. Unë nuk arrij ta kuptoj si mund të vihet në diskutim një si ai, por kjo është puna jonë. Mjafton të mendosh faktin që Ernesto Valverde u shkarkua nga Barcelona në momentin që ndodhej në vend të parë“, deklaron Albert Celades. /abcnews.al
