Në orët e fundit është përfolur shumë në media se Diego Costa do të transferohet te Benfica. Madje disa prejt tyre e konsideruan këtë si një lajm të sigurt, por e vërteta qëndron krejt ndryshe.
Ka qenë vetë klubi portugez që ka mohuar lajmin, përmes një postimi në faqen zyrtare të klubit. “Benfica përjashton çdo mundësi të bisedimeve mbi transferimin e sulmuesit Diego Costa”, shkruhet në deklaratë.
Kujtojmë që ish-lojtari i Atletico Madrid vazhdon të jetë një lojtar i lirë. Braziliani me pasaportë spanjolle u largua në muajin janar nga madrilenët, kur ndërpreu në mënyrë konsensuale kontratën me ta. /abcnews.al
