Dialogu me Serbinë, Thaçi pret Ali Ahmetin

Presidenti i Kosovës, Hashim Thaçi është takuar të premten me kryetarin e BDI-së maqedonase, Ali Ahmeti. Sipas raportimeve të mediave kosovare, në fokus të bisedimeve ka qenë dialogu Kosovë-Serbi, për të cilin dy liderët kanë theksuar njëzëri se duhet të mbyllet me njohje reciproke dhe anëtarësimin e Kosovës në të gjitha organizmat ndërkombëtarë. Temë e bisedimeve ka qenë edhe procesi i integrimit të Maqedonisë në NATO. Në deklaratën e përbashkët, Thaçi e Ahmeti kanë vlerësuar se bashkimi i Maqedonisë me Aleancën e Atlantikut të Veriut është interes strategjik për të gjithë Ballkanin./abcnews.al