I dërguari i posaçëm i Bashkimit Evropian për dialogun, Mirosllav Lajçak, u takua me kryenegociatorin e Kosovës, Besnik Bislimi, në Vjenë.
Lajçak theksoi se po përgatiten për takimin e radhës të kryenegociatorëve në dialogun mes Kosovës dhe Serbisë.
“Kisha takim të mirë dhe të dobishëm me zëvendëskryeministrin e parë Besnik Bislimi. Biseduam hollësitë për zbatimin e plotë të marrëveshjes për rrugën drejt normalizimit”, shkroi ai.
Megjithatë, ai nuk tregoi se kur do të mbahet takimi i ardhshëm i kryenegociatorëve të Kosovës dhe Serbisë nën ndërmjetësimin e Bashkimit Evropian në Bruksel.
Bislimi, dhe kryenegociatori i Serbisë, Petar Petkoviq, ishin në Bruksel për herë të fundit më 20 shtator, ku nuk u pajtuan për takim të përbashkët.
