Aktori i Hollywood-i, Leonardo DiCaprio ka reaguar sërish për mbrojtjen e Lumit Vjosë, në Shqipëri. Ai ka postuar në Instagram një video, ku shfaqet lumi dhe përmend faktin se aktivistët në të gjithë Europën së fundmi i kanë kërkuar qeverisë shqiptare që ta përkrahin parkun ndërkombëtar të Vjosës.
LEXO EDHE: Leonardo DiCaprio ngre sërish zërin për lumin Vjosa, ka një apel për qytetarët
Këtë herë DiCaprio i ka bërë thirrje kryeministrit Edi Rama, kryedemokratit Lulzim Basha, kryetares së LSI, Monika Kryemadhi dhe presidentit Ilir Meta, duke theksuar rëndësinë që ka mbrojtja e këtij lumi për t’u shndërrohet në park ndërkombëtar.
“Javën e kaluar, në #DitënBotëroretëUjit, aktivistët në të gjithë Evropën i kërkuan qeverisë shqiptare dhe Komisionit të Bashkimit Evropian të mbështesin #Parkun Ndërkombëtar të Vjosës.
Lumi Vjosa është lumi më i madh i egër në Evropë. Janë 300 kilometra që rrjedhin pandërprerë nga burimi i saj në malet në Greqi tek deti Adriatik. Lumi është jetësor, i rëndësishëm për më shumë se 1,100 lloje të peshqve të ujërave të ëmbla dhe është kulturalisht i rëndësishëm për njerëzit në Shqipëri. Dje, Parlamenti Evropian nxiti autoritetet shqiptare “të krijojnë sa më shpejt të jetë e mundur Parkun Kombëtar Vjosa, duke shtrirë tërë gjatësinë e lumit.
Shpërndajeni këtë video dhe kërkoni nga @ediramaal @lulzimbasha @ monika.kryemadhi @ ilirmeta.faqjazyrtare të bëjë të njëjtën gjë”, shkruan ai./abcnews.al
View this post on Instagram
