Pallati Elize në Francë u përfshi në një skandal. Alexandre Benalla, bashkëpunëtor i presidentit Emmanuel Macron, është pushuar nga puna. Kjo është njoftuar nga zyra për shtyp e Presidentit e Republikës franceze.
“Nga sot Benalla është në gjendje ndalimi”, njoftoi prokuroria e Parisit, e cila të enjten hapi një hetim paraprak për “dhunë nga ana e personave të ngarkuar në mision të shërbimit publik”.
Bashkëpunëtori i Macron përfundoi në polemika pasi është filmuar, ndërsa në protestat e 1 Majit dhunon një manifestues. Fillimisht ai u pezullua nga detyra për dy javë. Ndërsa më pas iu dhanë funksione të tjera administrative në presidencë. Por tani ai është shkarkuar nga detyra./abcnews.al
