Një ditë pas spektaklit të shëmtuar në Kuvend, ku deputetët e Berishës sulmuan verbalisht dhe fizikisht tre deputete, gratë e Partisë Demokratike u mblodhën para kryesisë në shenjë proteste.
Anëtarja e Kryesisë së PD-së, Taulanda Jupi dënoi ashpër veprimet e dhunshme dhe bullizuese, ndërsa shtoi se deputetët dhunues nuk dallojnë nga abuzuesit e tjerë të vajzave dhe grave.
Edhe Aleanca e Grave Deputete ka dënoi fuqimisht sjelljen e deputetëve Flamur Noka dhe Gazmend Bardhi në Komisionin e Edukimit.
Ato e kanë quajtur “dhunë dhe intimidim ndaj Kryetares së komisionit Flutura Açka dhe anëtarëve të tjerë në këtë komision!
“Dhuna është një akt që tregon dëshpërim. Përdoruesit e dhunës tregojnë hapur pamundësinë e tyre për të pranuar se ka mendim dhe qëndrim ndryshe”,- thuhet në deklaratën e deputeteve gra.
“Ne gratë deputete, shprehim indinjatë të thellë për atë që ndodhi dje si dhe për gjithë klimën e linçimit dhe përbaltjes së grave dhe kërkojmë vënien para përgjegjësive të autorëve të kësaj dhune”-theksohet në qëndrimin e Aleancës së Grave Deputete.”
Ato shpresojnë që aktet e dhunshme të mos përsëriten më dhe Kuvendi të kthehet në shinat e normalitetit dhe të gjithë deputetët të bëjnë detyrën për të cilën qytetarët i kanë votuar.
/abcnews.al
