Policia filloi të pastrojë një kamp me tenda pro-palestineze në Universitetin George Washington këtë të mërkurë, disa orë pasi dhjetëra studentë u larguan nga vendi dhe marshuan drejt shtëpisë së presidentes së universitetit Ellen Granberg.
Zyrtarët në Universitetin e Uashingtonit kanë paralajmëruar pezullime të mundshme për studentët që marrin pjesë në aktivitete proteste në oborrin e universitetit, raporton AP.
Mediat lokale raportuan se kundër disa studentëve u përdor sprej, ndërsa policia u përpoq t’i pengonte ata të hynin në kamp.
Pothuajse 30 persona u arrestuan, sipas organizatorëve lokalë.
Të martën në mbrëmje, protestuesit që mbanin pankarta që lexonin “Palestinë e lirë” dhe “Hands off Rafa” marshuan drejt shtëpisë së Ellen Granberg.
Policia ka shkuar në vendngjarje edhe mbrëmë, por më pas nuk është bërë asnjë arrestim./abcnews.al
