Deputetja e opozitës parlamentare Fatjona Dhimitri, përmes një statusi në facebook ka deklaruar votën e saj pro marrëveshjes së 5 qershorit.
Deputetja Dhimitri shkruan se është kundër çdo ndryshimi që cenon interesat kombëtare dhe ato qytetare të vendit.
Sipas saj, çështja e sistemit zgjedhor po keqpërdoret nga kryeministri Rama për të arritur objektivat e veta politike.
“Theksoj se do të votoj pro ndryshimeve të Kodit Zgjedhor sipas dakortësisë së 5 Qershorit 2020, pa asnjë ndryshim!”, shkruan Dhimitri.
Postimi i plotë:
Konfirmoj VOTËN PRO Marrëveshjes së 5 qershorit 2020!
- Votoj PRO Marrëveshjen e 5 qershorit 2020 dakortësuar ne Këshillin Politik dhe noterizuar nga Partnerët Ndërkombëtarë të cilët janë udhërrëfyesit tanë në rrugën drejt Bashkimit Europian!
- Votoj PRO Marrëveshjen e dakortësuar me 5 qershor 2020 dhe jam kundër çdo ndryshimi që cënon interesat kombëtare dhe ato të qytetarëve të vendit tim.
- Kulisat e tjerë me pretendim të ndryshimeve kushtetuese që nuk kanë noterizimin e ndërkombëtarëve dhe nuk reflektojnë interesa përfaqësimi për qytetarët, përsa kohë unë të kem një votë ne Kuvend nuk do të votohen prej meje!
- Çështja e sistemit zgjedhor po keqpërdoret nga Edi Rama për të arritur objektivat e veta politike.
- Unë nuk mund të mbështes kurrë një propozim që heq koalicionet parazgjedhore dhe ndihmon Edi Ramën. Unë nuk jam në Kuvend për të bërë lojërat e Edi Ramës.
- Unë besoj tek Europa dhe nuk mund të pengoj procesin e integrimit europian të vendit. Një marrëveshje e ndërmjetësuar dhe mbështetur nga faktori ndërkombëtar nuk mund të mbahet peng nga Kuvendi.
- Konsensusi i arritur më 5 Qershor 2020 mes forcave kryesore politike në vend, është i vetmi kusht i plotësuar në procesin e hapjes së negociatave. Nuk do të ndërmerrja kurrë veprime që do të dëmtonin këtë arritje.
- Si deputete jam e ndërgjegjshme se veprimi im i shërben stabilitetit të vendit, i shërben rrugës europiane të Shqipërisë.
- Theksoj se do të votoj pro ndryshimeve të Kodit Zgjedhor sipas dakortësisë së 5 Qershorit 2020, pa asnje ndryshim!./abcnews.al
