Pas 30 vitesh Partia Socialiste fiton Bashkinë e Devollit, në qarkun e Korçës. Për 4 vitet e ardhme, kjo bashki do të drejtohet nga kandidati socialist, Eduart Duro.
Në këtë garë elektorale ai fitoi përballë kandidatit të koalicionit “Bashkë Fitojmë”, Elvis Hajdërlli.
Duron e votuan 8376 qytetarë, 365 më shumë se sa kundërshtarin e tij, Hajdërlli.
Pas fitores, në Devoll nisi festa.
Gjatë fjalës së tij, Eduart Duro, fitoren tha se ia dedikon devollinjve.
Fitoren në Devoll, drejtuesi politik i këtij qarku Niko Peleshi e cilësoi si më të bukurën në të gjithë Shqipërinë.
Ai tha se është premtuar pak, për të bërë më shumë punë.
