Dinamo luan kundër Vllaznisë në “Loro Boriçi” sfidën e javës së 23-të të Abissnet Superiore.
Një përballje ku kryeqytetasit e Bledar Devollit do të kërkojnë fitoren që do i ndihmonte ata në garën për mbijetesë.
Në konferencën për shtyp, Devollit foli për përballjen me Vllazninë, ndërsa theksoi se do i godasë shkodranët në pikat e tyre të dobëta.
“Kemi punuar fort dhe mendoj se kemi bërë zgjedhjet e duhura për nesër. Dua të kemi shpejtësi dhe cilësi në ofensivë. Shpresoj të bëjmë një ndeshje të mirë dhe me rezultat nesër. Vllaznia ka një prej ekipeve më të mira dhe më pëlqen loja e tyre, por kanë edhe ata pikat e tyre të dobëta dhe ne duhet t’i godasim aty.
Rikthehet Sofranac por mungon Imami, Reginaldo dhe Malikji që u lëndua sërish në stërvitje dhe na prishi planet, por do të marrim masat pasi grupin e kemi. Duhet të jemi agresivë dhe mendoj se do të kemi rezultat. Duhet të marrim më shumë përgjegjësi, nga unë i pari. Kemi folur edhe me lojtarët, duhet të shpëtojmë sezonin. Nesër kam besim tek kthesa”, ka theksuar Devolli. /f.a/abcnews.al
