Detaje të reja janë zbuluar nga operacioni për arrestimin e kandidatit të koalicionit “Bashkë fitojmë” në Himarë, Fredi Beleri. ABC News mëson se bashkë me Fredi Belerin në pranga kanë rënë edhe dy persona të tjerë. Sipas informacioneve paraprake të marra, operacioni është kryer nga policia dhe prokuroria e Vlorës.
LEXO EDHE: VIDEO/ Momenti i arrestimit të Fredi Belerit, uniformat blu i shkojnë tek lokali
Gazetari Elton Nika raporton se dy personat e arrestuar me Belerin, njëri prej të cilëve është avokati i tij, janë liruar. Arrestimi i Belerit është bërë i mundur pak pas mesnate pranë restorantit të tij në Himarë. Në videon e siguruar nga ABC Neës, Beleri shihet duke qëndruar me disa persona të tjerë kur i afrohen forcat e policisë.
Kujtojmë që arrestimi i Belerit vjen vetëm pak orë nga zgjedhjet e 14 majit. Ai pritej të mbante sot edhe takimin përmbyllës të fushatës. Beleri është përballur me kritika ditët e fundit për një deklaratë të bërë për median greke Protothema, ku fliste për një program për helenizimin e Himarës./abcnews.al
