Një ngjarje e rëndë u shënua gjatë orëve të para të mëngjesit të sotëm në Tiranë.
Një banesë u përfshi nga flakët në rrugën “Gani Domi” dhe për pasojë humbi jetën një foshnjë 6-muajshe.
Mësohet se kanë qenë banorët e zonës ata që kanë sinjalizuar policinë pasi kanë parë tymin.
Gazetarja e Abc, Xhensila Kodra mëson se dritaret e banesës kanë qenë me kangjella dhe kjo e ka bërë të vështirë ndërhyrjen e zjarrfikësve.
Lexo edhe: VIDEO/ Gjithçka shkrumb e hi, çfarë ka mbetur nga shtëpia në Tiranë ku humbi jetën vogëlushi 6-mujash
Fatkeqësisht foshnja ndërroi jetë në spital, ndërsa gjyshja me të cilën ndodhej në shtëpi është në gjendje të mirë shëndetësore.
Në momentin që ka ndodhur ngjarja gjyshja ka qenë në bodrum duke gatuar.
Ajo ka dalë jashtë për të kërkuar ndihmë te banorët, por flakët kanë shpërthyer menjëherë duke përfshirë gjithë banesën.
Prindërit e foshnjës nuk ndodheshin në shtëpi në momentin e zjarrit dhe janë lajmëruar nga fqinjët./Abcnews.al/
