Pak ditë më parë një postim që stilisti Valdrin Sahiti bëri në rrjete sociale zbuloi se Elvana Gjata po përgatitet për të sjellë projektin e ri. Sahiti publikoi një video ku shihej së bashku me Elvanën, teksa shiheshin duke udhëtuar së bashku me makinë. “Mbërritëm në Tiranë për bombën e radhës nga Elvana Gjata”, theksoi ai.
Por ndërsa fansat janë gjithë sy e veshë për të zbuluar ndonjë detaj nga kënga e re, disa të dhëna i ka bërë vetë me dije këngëtarja. Ajo ka publikuar dy fotografi, look-u i së cilës mori menjëherë vëmendjen e ndjekësve. Krahas tyre shkroi “Loti”, duke nënkuptuar kështu se projekti do të mbajë këtë titull.
View this post on Instagram
Sakaq, kujtojmë që kënga më e fundit e saj, “Thirr” u publikua një muaj më parë. Elvana është përfolur gjithashtu dhe për një bashkëpunim të mundshëm me Mozzik-un. Dyshimet se dyshja më e suksesshme e estradës po bëhet gati për një hit, lindën pas një komenti që reperi bëri në një foto të Elvanës. /abcnews.al
