TIRANË- Një 28-vjeçar humbi jetën aksidentalisht të hënën teksa po punonte në një kantier ndërtimi në zonën e ish-Kinostudios në Tiranë.
Ai ra nga lartësia e një pallati shtatë katësh.
Gazetari i ABC News, Ervin Leka, referuar dëshmive të kolegëve të të riut në vendngjarje, raporton se 28-vjeçari kishte vetëm 20 minuta që kishte marrë turnin.
Në momentin e aksidentit fatal i riu po mbushte disa kova me llaç në lartësinë e objektit. Për këtë ngjarje është shoqëruar drejtuesi teknik i punimeve.
Nga një vëzhgim në terren, gazetari Leka thekson se pallati ku ndodhi ngjarja nuk është i rrethuar sipas kushteve teknike./ abcnews.al
