Loading ...
Sllovakia i mbylli me dy humbje sfidat e muajit tetor në Nations League. Marek Hamsik me shokë u mposhtën 1-0, teksa nuk ia dolën të evitonin humbjen as ndaj Izraelit në shtëpi, takim që përfundoi 2-3.
Gjithsesi, kombëtarja sllovake ia doli të eliminonte Irlandën me penallti në gjysmëfinalen e luajtur në 8 tetor dhe tani do të përballet me Irlandën e Veriut (12 nëntor) në finalen e madhe për një biletë në Euro 2021.
Loja jo e mirë ka ndikuar që drejtuesit e Federatës të shkarkojnë trajnerin Pavel Hapal. 51-vjeçari çek mbante detyrën e trajnerit të Sllovakisë prej tetorit të vitit 2022.
Jan Kovacik, presidenti i Federatës Sllovake të Futbollit, do të zbulojë trajnerin e ri në një konferencë për shtypin, që do të mbahet gjatë ditës së martë. /abcnews.al
