Vazhdon momenti i mirë për Gorica dhe Albi Dokën. Mbrojtësi i djathtë u transferua tek ekipi kroat në muajin gusht dhe ia ka dalë të fitojë një post titullari.
Sot e nisi nga fillimi dhe e zhvilloi të plotë sfidën shtëpiake kundër Varazdin, takim që Gorica e fitoi me rezultatin 1-0, falë një penalltie të kthyer në gol nga Lovric.
Si titullarë u aktivizuan edhe Jorgo Pëllumbi e Agon Elezi te skuadra mike. Në fund festoi Gorica dhe Doka, që janë ngjitur në vend të tretë në HNL kroate.
Periudhë fantastike për 23-vjeçarin nga Tirana, i cili debutoi me kombëtaren kuqezi në vëllazëroren e 11 nëntorit ndaj dardanëve të Kosovës.
Doka u aktivizua edhe në dy përballjet e Nations League kundër Kazakistanit dhe Bjellorusisë, duke dhuruar paraqitje shumë të mira. /abcnews.al
