Deputetja ukrainase: Putini do të ndërtojë një perandori që bota s’e ka parë kurrë më parë

schedule11:17 - 18 Mars, 2022

schedule 11:17 - 18 Mars, 2022

Presidenti rus Vladimir Putin nuk do të ndalet në Ukrainë dhe do të vazhdojë të pushtojë vendet e tjera evropiane, ka paralajmëruar një deputete ukrainase.

Lesia Vasylenko e krahasoi situatën aktuale me atë kur Hitleri sulmoi Poloninë në 1939, shkruan Skynews.

Ajo thotë se qëllimi i Putinit është të ndërtojë një perandori ruse të madhe që bota nuk e ka parë kurrë më parë.

LEXO KËTU të gjitha zhvillimet e luftës për sot

“Putini nuk do të ndalet në Ukrainë. Gazetarët e tij të përkëdhelur po flasin për të shkuar më tej dhe për të krijuar një zhurmë të madhe në Evropë. Qëllimi i Putinit është të ndërtojë një perandori ruse më të madhe se çdo gjë që bota ka parë më parë”.

Udhëheqësit perëndimorë deri më tani kanë refuzuar të ndërhyjnë duke vënë trupat në kontakt të drejtpërdrejtë me forcat ruse, duke argumentuar se kjo do të rezultonte në një luftë të gjithanshme midis Rusisë dhe Perëndimit./abcnews.al/