TIRANË– Pas vendimit te marre në selinë e tyre të enjten deputetët e opozitës erdhën bashkë në parlament.
Të përjashtuarit për shkak të akteve të dhunës tentuan të hynë me forcë në sallën e seancës plenare, por u penguan nga garda në hyrje të saj.
Të tjerët pasi kaluan kordonin e efektivëve qendruan në këmbë para foltores në kuvend.
Protesta e tyre nuk zgjati shumë. Me karriget me vete dolën jashtë.
Strategjia me djegje karrigesh e herës së shkuar u ndryshua në ulje këmbëkryeq pas tyre. Mesazhet i dhanë me zë dhe figurë.
Ndërkohë në sallë Enkelejd Alibeaj I partisë “djathtas “ kërkonte heqjen e masës disiplinore për demokratët e Sali Berishës.
Ky aksion I opozitës nuk ndaloi mazhorancën të kalonte në parlament projektligjet e planifikuara në rendin e ditës ku mes të tjerësh rrëzoi dekretin e Presidentin që ktheu në kuvend ligjin per inspektimin dhe zgjati afatin e komisionit hetimor për koncesionet në shëndetësi, chek up dhe sterilizimin deri me 14 nëntor.
Në këtë seancë u betuan dhe dy deputetët e rinj të Kuvendit Andrea Mano dhe Erjon Meka që zëvendësojnë përkatësisht demokratin Ervin Salianji dhe socialistin Jurgis Çyrbja, të dy në burg./abcnews.al
