Loading ...Mungesë humori, entuziazmi, trishtim pa arsye, vështirësi në përqendrim, demotivim. Gjendje të tilla shoqërojnë shumë persona pas festave të fundvitit. Muaji I parë I vitit iu duket më i gjati dhe më i pasigurti. Sipas psikologëve kjo vjen për disa arsye.
“Duhet të kuptojmë se festat vijnë me vezullimin e tyre, me dritat, me ngjyrat, me gjërat e bukura, me dhuratat dhe të gjitha këto e ngrenë motivimin e individit dhe e bëjnë individin më eforik, pozitiv. Në momentin që fillon janari dhe të gjitha këto fillojnë dhe bien padyshim që shkundemi dhe financiarisht nga dhjetori dhe fundviti dhe ndjejmë një formë demotivimi që shpesh në terminologjinë e zakonshme si depresion I janarit.”
Shpesh objektivat shumë më të larta se ajo që mund të realizojmë sipas psikologëve janë arsye për demotivim.
“Ky vrull i madh që duam të nisim vitin dhe ndonjëherë përplasemi me realitete që nuk I kemi menduar, ne e fillojmë me vrull të madhe dhe pastaj themi prit se nuk qenka dhe aq kollaj për ti bërë këto gjëra, shpesh na kthen në gjendjen e demotivimit.”
Psikologët thonë se kjo është një gjendje kalimtare dhe këshillojnë.
“Ti marrim gjërat më me pozitivitet, të mos vendosim standarde shumë të larta për veten. Shtri këmbët sa ke jorganin, është një shprehje që është tipike për fillimin e vitit. Ndërkohë vijoni aktivitetin social dhe mos u mbyllni në veten tuaj.” / abcnews.al /
