Ndërron jetë pas 27 ditësh Viktor Ballaj. 51-vjeçari punëtor i kompanisë private të naftës në Ballsh nuk u mbijetoi dot plagëve të marra nga djegia që ju shkaktua nga shpërthimi i një tubacioni në dekantimin e naftës. Ngjarja ndodhi mëngjesin e 3 majit 2021, raporton gazetarja e ABC në Fier, Valbona Davidhi.
Ngjarja e rëndë ndodhi në vendin e quajtur Qafa e Kashit ku operon një firmë private nafte. Nga shpërthimi, Ballaj, i cili ishte i vetëm në atë moment pësoi djegie të shumta dhe nga Fieri u dërgua për mjekim të specializuar në Tiranë, por nuk arriti që të mbijetonte.
Pas incidentit u arrestua shefi teknik Erion Alushaj i cili pas 3 ditësh, 7 mars u lirua nga gjykata duke u lënë në detyrim paraqitje. 40-vjeçari u akuzua për shkelje të rregullave të mbrojtjes në pune pasi nuk kishte marrë masa për sigurinë teknike./ Abcnews.al
