Autoritetet në provincën Sindh të Pakistanit kanë miratuar një ligj që kërcënon prindërit me deri në një muaj burg nëse refuzojnë të vaksinojnë fëmijët e tyre kundër poliomielitit ose tetë sëmundjeve të tjera.
Ekspertët nga Organizata Botërore e Shëndetësisë kanë frikë se masat e reja vetëm sa do të minojnë më tej besimin në vaksinat e poliomielitit, veçanërisht në një vend ku shumë besojnë në komplotet e rreme rreth tyre dhe ku janë vrarë dhjetëra vaksinues.
Pakistani dhe Afganistani fqinj janë të vetmet vende ku përhapja e poliomielitit nuk është ndalur kurrë. Sëmundja prek kryesisht fëmijët nën pesë vjeç.
Në janar, rreth 62,000 prindër, kryesisht në provincën Sindh të Pakistanit, refuzuan vaksinimin e poliomielitit për fëmijët e tyre, duke bërë që autoritetet atje të propozojnë një ligj të ri me dënime drakoniane.
Ligji do t’i dënonte prindërit me deri në një muaj burg për mos vaksinimin e fëmijëve të tyre kundër sëmundjeve të caktuara, dhe gjithashtu mund të gjobitej deri në 50,000 rupi (168 dollarë)./abcnews.al
