Tashmë një nga yjet më të ndritshëm të Hollywood-it falë karrierës së saj me dekada, Demi Moore është bërë një ikonë e stilit më vete. Moore ishte surpriza në shfaqjen e koleksionit debutues të Kim Jones për Fendi në Paris, por përtej elegancës, imazhi i saj shkaktoi reagime të shumta në rrjet.
Fansat e kanë akuzuar se ka bërë ndërhyrje kirurgjikale në fytyrë pas daljes së djeshme përpara kamerave. 58-vjeçarja eci në shfaqjen Fendi në Paris Fashion Week, me një pamje që disa e quajtën “të panjohur”. “Kjo nuk është Demi! Unë refuzoj ta besoj”, shkroi një ndjekës.
“Ajo ka qenë gjithmonë një grua e mrekullueshme. Shpresoj se çdo gjë që bëri të jetë e përkohshme”, Oh Demi, nuk ke nevojë ta bësh këtë në fytyrën tënde.”, “Unë me të vërtetë nuk e njoha”, janë disa nga komentet e përdoruesve të rrjeteve sociale.
Moore ka hedhur poshtë dhe më parë spekulimet se ka bërë ndërhyrje plastike. Në një intervistë për revistën Maire Claire në 2017-ën, Demi u shpreh: ” Nuk më pëlqen ideja e një operacioni për të ndaluar procesin e plakjes.” /abcnews.al
