Një shqiptar u plagos me armë zjarri nga policia greke ditën e premte në Athinë. Mediat greke kanë publikuar pamjet e momentit të ndjekjes dhe shkëmbimit të zjarrit mes 35-vjeçarit nga Shqipëria dhe policisë. Përpos shqiptarit, i plagosur mbeti edhe një efektiv i policisë.
Por si ndodhi ngjarja?
Në 8 tetor një grua greke kishte denoncuar vjedhjen e makinës. Policia u vendos në lëvizje me postblloqe dhe gjatë kontrolleve i bëri shenjë një makine të dyshimtë që drejtohej nga shqiptari që të ndalonte.
35-vjeçari jo vetëm që refuzoi që t’i bindej urdhrit për të ndaluar, por hapi zjarr duke qëlluar në drejtim të policisë, që e ndoqi për disa metra me motor duke e rrethuar. Nga të shtënat u plagos shqiptari dhe një efektiv policie 28-vjeç duke përfunduar të dy në spital. /db/Abcnews.al
