Degjeneron olimpizmi shqiptar: Presidenti me polici në zyrat e KOKSH, gati dy asamble paralele

19:47 | 10/01/202019:470

Vazhdon të degradohet akoma më shumë situata në KOKSH. Të dyja palët, presidenti Bezhani dhe komiteti që mbështet sekretarin Bello, do të organizojnë asambletë paralele. Shteti nuk ka mbajtur deri tani asnjë qëndrim zyrtar. Të mërkurën në mbrëmje presidenti me policinë shkoi në zyrat e KOKSH, por deri në mesnatë porta ka qenë e mbyllur me administratën brenda.

Vazhdon një gallatë e madhe në Komitetin olimpik. Të dy palët kanë ngritur heshtat, por tashmë kanë dalë nga llogoret. Mbrëmja e së mërkurës ka qenë tepër kritike, kur presidenti i pezulluar nga kryesia e shkarkuar, Bezhani, së bashku me Policinë kanë shkuar të hyjnë me forcë në ambientet e zyrave të KOKSH.

Administrata atje mësohet që ka mbyllur derën nga brenda dhe s’ka hapur portat. Kjo deri në 11 të natës, kur më pas ata janë larguar, sekretari ka mundur të ikë në shtëpi, por ka lënë gjithë natën rojë një nëpunës.

Ndërkaq, në aspektin e letrave, zyrës dhe pjesës proceduariale, pritet që në fund të janarit dhe në fillim të shkurtit të zhvillohen dy asamble të jashtëzakonshme, njëra nga presidenti i pezulluar Bezhani dhe tjetra nga komiteti i shkarkuar nga Bezhani i pezulluar.

Një situatë qesharake për një institucion çati të sportit shqiptar, por aty kanë dalë në fushë toreadorët dhe nuk lënë asgjë. Bezhani do të bëjë Asamblenë e tij, të cilën ka deklaruar se do të jetë një Asamble Statuore, ndërsa pjesa tjetër do të zhvillojë Asamblenë e Jashtëzakonshme për të cilat ka mbledhur tashmë mbi 2/3 e firmave dhe ku me të gjitha gjasat do të kalojë në mocion besimi dhe rrjedhimisht shkarkimi, vetë Bezhani.

Shteti vazhdon të rrijë qetë në zyrë, ministria e linjës nuk reagon ende dhe s’ka akoma një qëndrim zyrtar për këtë situatë degjeneruese në KOKSH. Dilema e madhe është se cilën nga këto dy asamble do të njohë shteti shqiptar. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono